Մարիուպոլից փախչել փորձող ուկրաինացի նացիստները գրավել են 2 օտարերկրյա նավ

Մարիուպոլի ծովային նավահանգստում ուկրաինական ազգայնական ստորաբաժանումների նահանջող մնացորդները գրավել են երկու օտարերկրյա նավ՝ «Ցարևնա» և «Լեդի Ավգուստա», ապրիլի 10-ին Դոնեցկում կայացած ճեպազրույցում ասել է ԴԺՀ բանակի պաշտոնական ներկայացուցիչ Էդուարդ Բասուրինը։

Նրա խոսքով, այս նավերի անձնակազմերին պատանդ պահելով, ազովյան ազգայնականները տախտակամածներից կրակում են 120 մմ ականանետերով, տարբեր տեսակի նռնականետերով և հրետանային զինատեսակներով։

Այս նավերի անձնակազմի անդամների ճակատագիրը և նրանց առողջական վիճակը դեռևս անհայտ է։

«ԴԺՀ-ի բանակի, Ռուսաստանի Դաշնության զինված ուժերի հետ միասին, անում են հնարավոր ամեն բան՝ փրկելու ուկրաինացի ազգայնականների կողմից բռնի պահվող նավաստիների կյանքը», – ասել է Բասուրինը:

Հատկանշական է, որ Ուկրաինայի զինված ուժերի գլխավոր շտաբի զեկույցներում դաշնակից ուժերը միայն «գրոհում են Մարիուպոլը», մինչդեռ իրականում քաղաքում արդեն հաստատվել է ԴԺՀ-ի իշխանությունը, նշանակվել է քաղաքապետ. իսկ Մարիուպոլում ուկրաինական զավթիչների խմբի մնացորդները հետ են շպրտվել դեպի ծով։