Վիտալի Միլոնովը դարձավ Շարժման առաջին բարեկամը

Հայտնի քաղաքական և հասարակական գործիչ, ՌԴ Պետդումայի պատգամավոր Վիտալի Միլոնովը դարձավ  «Հզոր Հայաստան Ռուսաստանի հետ. հանուն նոր Միության»շարժման, վերջերս ստեղծված, Բարեկամների ակումբի առաջին անդամը ։

Շարժման Բարեկամների ակումբը ստեղծվել է Շարժման գործադիր կոմիտեի կողմից երկուշաբթի օրը կայացած նիստում։ Ակնկալվում է, որ դրանում կընդգրկվեն ռուս և բելառուս ականավոր քաղաքական, հասարակական գործիչներ, գիտնականներ, մշակույթի, կրթության, առողջապահության և գործունեության այլ ոլորտների ներկայացուցիչներ։

Բարեկամների ակումբը կնպաստի Հայաստանի, Ռուսաստանի և Բելառուսի այն հասարակական շրջանակների միջև կապերի ընդլայնմանը, որոնք հետաքրքրված են մեր երկրների միջև դաշնակցային հարաբերությունների զարգացմամբ և ապագայում տեսնելու Հայաստանի մուտքը Ռուսաստան-Բելառուս-Հայաստան միութենական պետության մեջ: Շարժման Բարեկամների ակումբը հարթակ է դառնալու ժողովուրդների միջև բարեկամության և եղբայրության ամրապնդման համար։

«Մենք ակնկալում ենք, որ Բարեկամների ակումբը գաղափարական հիմք կստեղծի հետխորհրդային տարածքում ինտեգրման խորացման համար՝ պահպանելով եվրասիական քաղաքակրթության հիմնարար արժեքները, և այդ ուղղությամբ գործնական քայլեր կձեռնարկվեն։ Օրինակ՝ կարելի է համագործակցություն հաստատել մշակույթի, առողջապահության, գիտության եւ այլ ոլորտներում »,- այս առիթով ասաց Շարժման գործադիր կոմիտեի անդամ Հայկ Բաբուխանյանը։

Ակնկալվում է, որ Շարժման Բարեկամները կմասնակցեն Շարժման միջոցառումներին՝ համաժողովներ, կլոր սեղաններ, ֆորումներ և այլն։

«Հզոր Հայաստանը Ռուսաստանի հետ հանուն նոր միութենական շարժման» մամուլի ծառայություն