ՍՏԵՓԱՆԱԿԵՐՏՈՒՄ ՀԱՅԱՍՏԱՆ-ՍՓՅՈՒՌՔ 7-ՐԴ ՀԱՄԱԺՈՂՈՎԻ ԱՆՑԿԱՑՄԱՆ ՀՐԱՄԱՅԱԿԱՆԸ. Դերենիկ Խաչատրյան

ՍՏԵՓԱՆԱԿԵՐՏՈՒՄ ՀԱՅԱՍՏԱՆ-ՍՓՅՈՒՌՔ 7-ՐԴ ՀԱՄԱԺՈՂՈՎԻ ԱՆՑԿԱՑՄԱՆ ՀՐԱՄԱՅԱԿԱՆԸ. Դերենիկ Խաչատրյան
ՍՏԵՓԱՆԱԿԵՐՏՈՒՄ ՀԱՅԱՍՏԱՆ-ՍՓՅՈՒՌՔ 7-ՐԴ ՀԱՄԱԺՈՂՈՎԻ ԱՆՑԿԱՑՄԱՆ ՀՐԱՄԱՅԱԿԱՆԸ
Տարիներ շարունակ Ադրբեջանի նկատմամբ Հայաստանի ամենահզոր զենքերից մեկը եղել է հզոր հայկական սփյուռքը։ 2018թ-ի իշխանափոխությունից հետո նոր իշխանություններն ամեն ինչ արեցին սփյուռքը ևս պառակտելու, վերջինիս դերը նվազագույնի հասցնելու համար։
Այս համատեքստում կարելի է դիտարկել Սփյուռքի նախարարության փակումը, սփյուռքի ավանդական հայկական կազմակերպությունների հետ համագործակցության թուլացումը, ի վերջո Հայաստան համահայկական հիմնադրամի հեղինակազրկումը (պատերազմի ժամանակ կատարված նվիրաբերությունների փոխանցումը պետական բյուջե)։
Հայաստան-Սփյուռք վերջին՝ 6-րդ համաժողովը տեղի է ունեցել 5 տարի առաջ՝ 2017թ-ի սեպտեմբերին, այսինքն 20018թ-ի իշխանափոխությունից հետո չեղարկվել է նաև այս կարևորագույն հարթակը։ Եվ այս քաղաքականությունը ևս պատահական չէ, քանի որ սփյուռքը միշտ եղել է Հայոց ցեղասպանության միջազգային ճանաչման և հետևանքների վերացման պայքարի դրոշակակիրը։ Տրամաբանական է, որ ամեն գնով Թուրքիայի հետ հարաբերությունները կարգավորել ձգտող իշխանությունը պետք է թուլացներ նաև սփյուռքի գործոնը։
Այսօր մեր Շուշիում անցկացվում է այսպես կոչված «աշխարհի ադրբեջանցիների 5-րդ համագումարը»։ Մինչ մենք վերջին տարիներին կործանում էինք Հայաստան-սփյուռք անքակտելի թվացող կապերը, Ադրբեջանը նպատակաուղղված հզորացնում էր իր Սփյուռքը, իսկ 44-օրյա պատերազմում տարած հաղթանակը վերջինիս հնարավորություն տվեց էական առաջընթաց գրանցել ազգային ինքնության ձևավորման և ադրբեջանցիների համախմբման հարցում։
Նախքան 2018թ-ը Հայաստանը կենսունակ պետություն էր առաջին հերթին Հայաստան-Արցախ-Սփյուռք եռամիասնության շնորհվ, իսկ Ադրբեջանը պարտված պետության, Ալիևի բռնապետության սահմաններից դուրս ազգային ինքնության բացակայության, տարածքային կորուստներ ունեցող երկրի համբավ ուներ։
Այժմ, երբ մեր եռամիսանությունից մնացել է կիսաՀայաստան-կիսաԱրցախ-կիսաՍփյուռք անհասկանալի և աննպատակ մի համակցություն, Ադրբեջանը Շուշիում ազդարարում է ադրբեջանական ինքնության ձևավորման մեկնարկը՝ ինչպես միշտ հայ ժողովրդի շահերի հաշվին։
Հայաստանում ազգային իշխանության ձևավորումից հետո(գուցե նաև այդ իշխանության ձևավորման ճանապարհին) առաջին քայլերից մեկը պետք է լինի Ստեփանակերտում Հայաստան-Արցախ-Սփյուռք 7-րդ համաժողովի կազմակերպումը։ Մենք ոտքի կկանգնենք, եթե կարողանանք վերականգնել 18թ-ից առաջ եղած այս ամուր եռամիասնությունը, դրան նոր իմաստ հաղորդել և վերջինիս ողջ ներուժը նպատակաուղղել Արցախի փրկությանը:


Առնչվող գրառում

Բայդեն Գուդն. ամերիկացիներից փող է վերցնում ու տալիս Ուկրաինային (Ֆոտո)

Բայդեն Գուդն. ամերիկացիներից փող է վերցնում ու տալիս Ուկրաինային…

Սոցցանցերում, այդ թվում` ամերիկյան ակտիվորեն շրջանառվում է նոր կատակը. «Ամերիկյան ֆոլկլորի նոր հերոսը Բայդեն Գուդն է։ Ամերիկացիներից փող է վերցնում ու…
ՎԴՎ-ի 7-րդ դիվիզիայի հրետանին ոչնչացնում է ուկրաինական ինքնագնաց հրետանին ´Տեսանյութ)

ՎԴՎ-ի 7-րդ դիվիզիայի հրետանին ոչնչացնում է ուկրաինական ինքնագնաց հրետանին…

7-րդ օդադեսանտային դիվիզիայի հրետանին ոչնչացնում է հակառակորդի ինքնագնաց հրետանին:
Մեր զորքերը հարձակման անցան Սնիգիրևկայի արևմուտքում. Իգոր Ստրելկով

Մեր զորքերը հարձակման անցան Սնիգիրևկայի արևմուտքում. Իգոր Ստրելկով

Դոնբասի բանակի հիմնադիր եւ առաջին հրամանատար Իգոր Ստրելկովը, ով ներկայումս Մոսկվայի պաշտոնական քաղաքականության քննարադության պատճառով զրկված է պատերազմին մասնակցելու հնարավորությունից, այս…