- 24/04/2022
Գիշերը թալանել են Արցախի հերոսի ընտանիքին պատկանող գույքը․ ԼՈՒՍԱՆԿԱՐ
![Գիշերը թալանել են Արցախի հերոսի ընտանիքին պատկանող գույքը․ ԼՈՒՍԱՆԿԱՐ](https://soyuz.iravunk.am/wp-content/uploads/2022/04/125250609_3474711672609302_784589864463004428_n-scaled.jpg)
Թալանել են Արցախի հերոս, 44-օրյա պատերազմի խորհրդանիշ դարձած Ալբերտ Հովհաննիսյանի ընտանիքին պատկանող գույքը։ Այս մասին մեզ տեղեկացրեց անձամբ հերոսի հայրիկը՝ Արտակ Հովհաննիսյանը, ով թալանը հայտաբերել է առավոտյան։ Հերոսի հայրիկի խոսքերով, դեպքը, ըստ երեւույթին տեղի է ունեցել ուշ գիշերով, ապամոնտաժել են հերոսի հայրիկի ավտոմեքենայի դիմապակիները եւ տարել։
Ընդ որում մեքենայի վրա փակցված է եղել հերոսի լուսանկարը, ինչ խոսում է այն մասին, որ ստահակը կամ ստահակները լավ էլ գիտակցել են, թե ում ընտանիքին պատկանող մեքենան են կողոպտում։
Հերոսի հայրիկը արդեն դիմել է իրավապահներին։