Երրորդ հզոր թռիչքը մեկ օրում. Եվրոպայում գազի գինը գերազանցեց 3000 դոլարը

Եվրոպայում գազի գինն արդեն գերազանցել է խորանարդ մետրի դիմաց 3000 դոլարը։ Սա գների երրորդ հզոր թռիչքն է այսօրվա համար։

Այսօր կայացած առևտրային նստաշրջանի ընթացքում, Լոնդոնի ICE բորսայի տվյալներով, եվրոպական շուկայում վառելիքի արժեքը մարտի 8-ից ի վեր առաջին անգամ գերազանցել է 3000 դոլարը։

Եվ սա սահմանը չէ, աճը շարունակվում է օգոստոսի 31-ից «Հյուսիսային հոսքով» մատակարարումները երեք օրով դադարեցնելու որոշման ֆոնին՝ բլոկի վերանորոգման պատճառով։

Նիդեռլանդների TTF հանգույցում սեպտեմբերյան ֆյուչերսների գինը հազար խորանարդ մետրի դիմաց հասել է 3024 դոլարի։

Երկուշաբթի՝ օգոստոսի 22-ին, առուվաճառքի բացումից հետո ընդհանուր աճը կազմել է գրեթե 20%:

Մինչդեռ դեկտեմբերյան ֆյուչերսներն արդեն 3100 դոլար են։

Անցյալ շաբաթ «Գազպրոմը» հայտարարեց օգոստոսի 31-ից սեպտեմբերի 2-ը «Հյուսիսային հոսքով» մատակարարումների ամբողջական դադարեցման մասին՝ գազի կոմպրեսորային միակ բլոկի վերանորոգման համար, որը մնացել է շահագործման մեջ: