- 05/09/2022
Քաբուլում ահաբեկչության հետևանքով զոհվել են ՌԴ դեսպանատան աշխատակիցները
ՌԴ ԱԳՆ-ն հայտնել է, որ Աֆղանստանի մայրաքաղաքում տեղի ունեցած ահաբեկչության հետեւանքով զոհվել է ՌԴ դեսպանատան երկու աշխատակից։
«Սեպտեմբերի 5-ին, Քաբուլի ժամանակով ժամը 10:50-ին, Քաբուլում ՌԴ դեսպանատան հյուպատոսական բաժանմունքի մուտքի մոտ անհայտ զինյալը գործի է դրել պայթուցիկ սարք։
Հարձակման հետեւանքով զոհվել է դիվանագիտական ներկայացուցչության երկու աշխատակից, զոհեր կան նաեւ Աֆղանստանի քաղաքացիների շրջանում։
Դեսպանատունը սերտ կապի մեջ է Աֆղանստանի անվտանգության ծառայությունների հետ, որոնք հետաքննություն են անցկացնում»,- հայտնել են ՌԴ ԱԳՆ-ից։