Ադրբեջանական բանակի կողմից հայ գերիների մահապատիժի տեսագրությունները խորապես ցնցող են. Ֆրանսիայի ԱԳՆ

«Ադրբեջանական բանակի կողմից հայ գերիների մահապատժի տեսագրությունները խորապես ցնցող են»,-ասվում է Ֆրանսիայի ԱԳՆ-ի թվիթերյան էջում արված գրառման մեջ։ Գրառմանը կից՝ թվիթերյան էջում նշվում է Ֆրանսիայի ԱԳՆ-ի պաշտոնական էջի հղումը, որտեղ մասնավորապես ասվում է.

«Ադրբեջանական բանակի կողմից հայ գերիների մահապատիժի տեսանյութերը խորապես ցնցող են։ Ֆրանսիան ի գիտություն է ընդունում Ադրբեջանի կողմից հայտարարված այս արարքների հետաքննության մեկնարկը և կոչ է անում պատասխանատվության ենթարկել դրանց մեղավորներին»։

Ֆրանսիան կոչ է արել նաև ազատ արձակել բոլոր հայ ռազմագերիներին։