Կուրսկում անօդաչու թռչող սարքը հարձակվել է օդանավակայանի վրա. հրդեհվել է նավթի պահեստը (լուսանկար, տեսանյութ)

Ռուսաստանի Կուրսկի մարզում անօդաչու թռչող սարքի հարձակման պատճառով՝ օդակայանում հրդեհ է բռնկվել։ Այս մասին Telegram-ում գրել է Կուրսկի մարզի նահանգապետ Ռոման Ստարովոյտը։

Պաշտոնյայի խոսքով՝ հրդեհ է բռնկվել նավթի պահեստում, տուժածներ չկան։
«Հրդեհը տեղայնացվում է, տեղում աշխատում են բոլոր հատուկ ծառայությունները»,- ասել է նա։

Օդանավակայանից բռնկված հրդեհը տեսել են քաղաքի մի քանի թաղամասերի բնակիչներ։ Հրդեհը տևել է ավելի քան մեկ ժամ։