Թուրքական իշխանությունները համաձայնել են դուրս բերել իրենց ուժերը Սիրիայի հյուսիսից

Թուրքական իշխանությունները Ռուսաստանի հետ բանակցություններից հետո համաձայնել են դուրս բերել իրենց ուժերը Սիրիայի հյուսիսից: Այս մասին հայտնել է El Watan` հղում անելով իր աղբյուրին։

Ավելի վաղ տեղեկացրել էինք, որ Էրդողանի նախաձեռնությամբ եւ ռուսական կողմի միջնորդությամբ Մոսկվայում կայացել են Թուրքիայի պաշտպանության նախարար Հուլուսի Աքարի և հետախուզության ղեկավար Հաքան Ֆիդանի եւ մյուս կողմից` Սիրիայի պաշտպանության նախարար Ալի Մահմուդ Աբասի և հետախուզության ղեկավար Ռաֆիկ Շահադայի հանդիպումը։ Սա այս մասշտաբով առաջին հանդիպումներ մոտ տասնամյա ընդմիջումից ի վեր: Եթե El Watan-ի տեղեկատվությունը համապատասխանում է իրականությանը, ապա կնշանակի, որ մոսկովյան բանակցությւոններն արդյունավետ են եղել: Այդ մասին է խոսում նաեւ Աքարի հայտարարությունը, որ ամենամոտ ժամանակներս Բաշար Ասադն ու Էրդողանը կարող են հանդիպել: