ԱՄՆ արդարադատության նախարարությունը թաքցնում է Բայդենի որդու և եղբոր գործարքների վերաբերյալ փաստաթղթերը

ԱՄՆ արդարադատության նախարարությունը փորձում է կանխել «զգայուն» տեղեկություններով փաստաթղթերի բացահայտումը Չինաստանի, Ռուսաստանի և Ուկրաինայի հետ ԱՄՆ նախագահ Հանթերի և Ջիմ Բայդենի որդու և եղբոր գործարքների վերաբերյալ, գրում է Daily Mail թերթը՝ հղում անելով Կոլորադոյի փաստաբան Քևինին Էվանսին:

Արդարադատության նախարարությունը փորձում է կանխել Հանթերի և Ջիմ Բայդենի Չինաստանի, Ռուսաստանի և Ուկրաինայի գործարքների վերաբերյալ 400 էջ զգայուն փաստաթղթերի հրապարակումը` ձևացնելով, որ դրանք գոյություն չունեն:

Հաղորդվում է, որ Էվանսը դատական ​​հայց է ներկայացրել նախարարության դեմ դեռևս մարտին, այն բանից հետո, երբ DOJ-ը մերժել է կատարել համապատասխան տվյալների վերաբերյալ նրա խնդրանքը՝ համաձայն տեղեկատվության ազատության դաշնային օրենքի:

«Պետական ​​իրավաբաններն ի սկզբանե խոստովանել են առնվազն 400 էջ «պոտենցիալ կասկածելի» փաստաթղթերի առկայությունը, սակայն այժմ փորձում են խուսափել դրանից՝ պնդելով, որ իրենք «հաստատելու կամ հերքելու ոչինչ չունեն» իր խնդրանքը բավարարող գրառումների առնչությամբ»,- գրում է թերթը՝ վկայակոչելով Էվանսի խոսքերը:

Նշվում է նաև, որ ավելի վաղ Business Insider-ի ամերիկյան հրատարակության մեջ տեղեկություններ էին հայտնվել Բարաք Օբամայի նախագահության օրոք ԱՄՆ ազգային արխիվների և փաստաթղթերի վարչության կողմից ներքին փաստաթղթեր հրապարակելու ծրագրերի մասին, որոնք տեղեկություններ են պարունակում Հանթերի կապերի մասին ուկրաինական Burisma գազային ընկերության հետ,  որտեղ այն ժամանակ աշխատանքի է ձեւակերպվել փոխնախագահ Ջո Բայդենի որդին` ամսական ստանալով 83 հազար դոլար աշխատավարձ։

Հաղորդվում է, որ Բայդենի վարչակազմը կարող է վետո դնել արխիվային փաստաթղթերի հրապարակման վրա մինչև 2029 թվականը, և սպասվում է, որ որոշումը կկայացնի մինչև 2023 թվականի փետրվարը։ Սակայն վետո դնելով, Բայդենը միայն կհաստատի որդում հանդեպ կասկածները: