• February 16, 2022

Թուրքիան արդեն ստիպված է հետ քաշվել ՌԴ-ի ճանապարհից

Թուրքիան արդեն ստիպված է հետ քաշվել ՌԴ-ի ճանապարհից

Ուկրաինայի իրադարձությունների նման սրման ֆոնին (Տես նաեւ https://iravunk.com/?p=225230&l=am) այդպես էլ տեղի չունեցավ ՌԴ նախագահ Վլադիմիր Պուտինի այցը Թուրքիա, որը, ինչպես  ավելի վաղ փոխանցել էին մի շարք առաջատար լրատվամիջոցներ, ծրագրված էր փետրվարի 14-ին: Չնայած, այդ այցը չեղարկված չէ եւ թերեւս տեղի կունենա այն պահին, երբ գլոբալ շիկացումը մի փոքր կմեղմվի. չբացառենք, առաջիկա մեկ-երկու շաբաթներին:
Չնայած, առանց Ուկրաինայի հետ կապված ՌԴ-Արեւմուտք հարաբերությունների հստակեցման, իմաստը կկորցներ նաեւ թուրքական նման այցը: Իրականությունն այն է, որ Անկարան ողջ աշխարհի պես սպասում է ուկրաինական հանգուցալուծմանը, որը շատ ավելի որոշակի կդարձնի, թե գլոբալ հարթակում աշխարհաքաղաքական դիրքերի ինչ վերաբաշխում է տեղի ունենում, մասնավորապես, ՌԴ-ի դիրքերը կուժեղանա՞ն եւ ի՞նչ չափով, կամ միգուցե կթուլանա՞ն: Եվ, հասկանալի է, թուրքերի հետ Մոսկվայի սպասվող բանակցություններում այդ նրբերանգները ունենալու են վճռորոշ դեր: Ու կարծես թե արդեն Ուկրաինայում որոշակի հստակեցումներ կան: Դատելով առկա ազդակներից, Արեւմուտքը կգնա դիրքային որոշակի զիջումների, որոնք բխում են ռուսական հայտնի վերջնագրից: Թե ինչ անվանում ու տեսք կտան նման  նահանջին, էական չէ: Այս պահի սպասելիքներն այն են, որ դա կբերի ՌԴ-ի դիրքերի զգալի ամրապնդման: Ասենք, նման դիրքային ամրապնդումն արդեն իսկ ընթացքի մեջ է, հաշվի առնելով ուկրաինական այս ողջ աղմուկի ֆոնին քիչ մեկնաբանված նման փաստը: Այն է, Մոսկվան, ըստ էության, չվախեցավ ծայրահեղ սուր հակամարտության մեջ մտնել ոչ միայն ԱՄՆ-ի, այլ գործնականում ողջ ՆԱՏՕ-ի հետ, ընդ որում, նաեւ հստակ կերպով ցույց տալով, որ եթե պարտադրեն, պատրաստ է գնալ նաեւ ռազմական բախման՝ անկախ ակնկալվող մասշտաբներից: Եվ այդ փաստը, իհարկե, հետագայում չի կարող իր հաշվարկներից դուրս թողնել նախ՝ ԱՄՆ-ին, ապա ՆԱՏՕ-ին եւ դրա անդամներին առանձին-առանձին: Ընդ որում, սրան էլ գումարել է պետք, որ Մոսկվան միայն սեփական ուժերի հաշվարկով «քյալլա տվեց» ողջ ՆԱՏՕ-ի հետ, թեեւ կարող էր հաշվարկներում ներառել նաեւ չինական ուժային բաղադրիչը: Բայց փոխարենը, Չինաստանը, որ պատրաստվում է Օլիմպիադայից հետո մի քանի գլոբալ նշանակության հայտարարություններով հանդես գալ, ռուսական այդ ուժային բաղադրիչը, իհարկե, հաշվի կառնի:
Չմոռանանք, Թուրքիան եւս ՆԱՏՕ-ի անդամ է, հզորությամբ՝ երկրորդը: Եվ ահա, Էրդողանն արդեն հենց այս իրողություններից ելնելով, պետք է ընդունի Պուտինին: Այսինքն, եթե մինչ այս ՌԴ-ի հետ հարաբերությունների մի շարք հարցերում Էրդողանն իրենն էր առաջ տանում՝ ցույց տալով, որ թիկունքին ՆԱՏՕ-ունի, հիմա արդեն հենց այդ հարցում է, որ կա իրավիճակի էական փոփոխություն:
Հաջորդը. ԱՄՆ-ին եւ ՆԱՏՕ-ին ներկայացրած վերջնագրում Մոսկվան, հիշեցնենք, իր համար «կարմիր գիծ» էր համարել ողջ հետխորհրդային տիրույթը: Իսկ ահա Էրդողանը, անշուշտ, նաեւ ՆԱՏՕ-ի գործոնը հաշվի առնելով, գնաց «Շուշիի համաձայնագրի» վավերացման, որը ենթադրում է Ադրբեջանի հետ գրեթե համատեղ բանակ: Եվ այն, որ դա Մոսկվան կընկալի, որպես հետխորհրդային տիրույթ ոչ միայն Թուրքիայի, այլ՝ ՆԱՏՕ-ի ռազմական մուտք, այն է՝ «կարմիր գծի» խախտում, ենթադրելի է: Հասկանալի է, Թուրքիայի պարագայում ռուսական մոտեցումները այլ ոճի մեջ են ոչ այն կոշտությամբ, որը դրսեւորվեց ԱՄՆ-ի ուղղությամբ՝ հատկապես վերջին օրերին: Բայց դա էլ բան չի փոխում. թեկուզեւ համեմատաբար մեղմ ոճով, սակայն հարավկովկասյան հարթակում աշխարհաքաղաքական վերահսկողության թեման պետք է որ ամենալուրջ կերպով քննարկվի, եւ ներկա իրողությունների պարագայում քիչ հավանական է թվում, որ Էրդողանը նախկին համառությունը կկարողանա դրսեւորել:
Միեւնույն ժամանակ, դժվար չէ նկատել, որ ռուս-ամերիկյան ներկա սրացումներին ուշադրությամբ հետեւում էր նաեւ նիկոլյան թեւը: Եվ այն, որ մեր որոշ իշխանավորներ հազիվ թե աչքաթող արած լինեն, թե ինչու էին իրենց «դրսի պապաները», չնայած մեծ-մեծ հոխորտանքներին, հերթ կանգնել Կրեմլի դիմաց: Նաեւ երեւի կկարողանան հաշվարկել, թե այս նոր իրողություններն ինչ փոփոխություններ են խոստանում թուրք-ազերիական տանդեմի աշխարհաքաղաքական հայացքներում, եւ դա ինչ ազդեցություն է թողնելու ԵՏՄ եւ ՀԱՊԿ անդամ Հայաստանի ուղղությամբ: Կարճ ասած,  որ եթե անգամ շատ ցանկանան ինչ-որ բան ծախել թուրքին, կասկածելի է, որ նա կհամարձակվի դա վերցնել:
Մի խոսքով, կարծես սկսում է աստիճանաբար ուրվագծվել նաեւ այն իրավիճակը, որ ներկա գլոբալ փոփոխությունների պարագայում կարձանագրվեն նաեւ հարավկովկասյան տարածաշրջանում: Բայց ամեն դեպքում սպասենք Պուտինի թուրքական այցին, որոշիչը դա է դառնալու:
ՔԵՐՈԲ ՍԱՐԳՍՅԱՆ

Առնչվող գրառում

Հնդկաստանը հրաժարվում է դոլարից Ռուսաստանի հետ առևտրում

Հնդկաստանը հրաժարվում է դոլարից Ռուսաստանի հետ առևտրում

Հնդկական ընկերությունները հրաժարվում են դոլարից ռուսական վառելիք գնելիս: Այս մասին գրում է Reuters-ը՝ հղում անելով մաքսային փաստաթղթերին։ Նյու Դելին հունիսին Ռուսաստանից…
«Օ» խմբավորումը շարունակում է հարձակումը. զրահատեխնիկայի հսկայական շարասյուն Դոնբասում (ՏԵՍԱՆՅՈՒԹ)

«Օ» խմբավորումը շարունակում է հարձակումը. զրահատեխնիկայի հսկայական շարասյուն Դոնբասում…

«Օ» խմբավորումը շարունակում է գրոհը: Այս մասին հատուկ գործողության գոտուց ռազմական թղթակիցների կադրերում։ Դոնբասի ճանապարհներին զրահատեխնիկայի հսկայական շարասյուն կա։ Զինվորական տեխնիկայի ուշագրավ…
Չեչենները հարցաքննում են ուկրաինացի գերուն (Տեսանյութ)

Չեչենները հարցաքննում են ուկրաինացի գերուն (Տեսանյութ)

«Մեկ այլ բանտարկյալ. Օրինակելի: Ես հասկացա, որ դևը խաբել էր նրան և որոշեցի չգայթակղել ճակատագրին։ Արդյունքում, Միխայիլը հանձնվեց «Ախմատի» հատուկ ջոկատայինների…