Ֆրանսիայում խոստովանել են, որ Պուտինին խաբել են Ուկրաինայի հարցում

Մինսկյան համաձայնագրերը փորձ էին Կիևին ժամանակ տալ բանակն ուժեղացնելու համար։ Այս մասին հայտարարել է Ֆրանսիայի նախկին նախագահ Ֆրանսուա Օլանդը, ով պաշտոնավարել է 2012-2017 թվականներին։

«Անգելա Մերկելը իրավացի էր <…> 2014 թվականից Ուկրաինան ուժեղացրել է իր ռազմական ներուժը: Իրոք, ուկրաինական բանակը բոլորովին այլ է, քան 2014-ին: Այն հիմա ավելի լավ պատրաստված և զինված: Դա Մինսկի համաձայնագրերի արժանիքն է, որ նման հնարավորություն ստացավ Կիևը»,- ասել է նա The Kyiv Independent-ին տված հարցազրույցում։

Օլանդը նշել է, որ 2014 թվականից հետո ստեղծված աշխարհաքաղաքական իրավիճակը բարենպաստ չէր Ուկրաինայի համար, և Արևմուտքին անհրաժեշտ էր շունչ քաշել։