Սուրգուտի հայ համայնքը նշեց Հաղթանակի օրը գեղեցիկ միջոցառումով

Երեկ Սուրգուտ քաղաքի հայ համայնքը, Արմենակ Սիմոնյանի գլխավորությամբ,  անցկացրեց  հանդիսավոր միջոցառում նվիրված Մեծ Հայրենականում  հաղթանակին: Միջոցառումը անց է կացվել հայ-ռուսական բարեկամության  հուշարձանի մոտ, որը գտնվում է  Սուրգուտ քաղաքի գլխավոր պողոտայի վրա  եւ  կառուցվել է Արմենակ Սիմոնյանի նախաձեռնությամբ: Հուշարձանի վրա  գրված է «Օրհնայլ է բարեկամությունը ռուս եւ հայ ժողովուրդների»: Հուշարձանի  աջ ու ձախ կողմում տեղադրված են  սովետական հաղթական բանակի ռուս եւ հայ մարշալների մեծ դիմանկարները: Սրանով եւս մեկ անգամ ընդգծվում է  հայ ժողովրդի մեծ ներդրումը Մեծ Հայրենականում սովետական ժողովրդի տարած մեծ հաղթանակի կերտման մեջ:

Միջոցառման  ընթացքում Մեծ Հայրենականի ժամանակաշրջանի խորհրդային  զինվորի  համազգեստով փոքրիկ «զինվոր» Արսեն Ստեփանյանը (7 տարեկան) ընթերցեց բանաստեղծություն նվիրված  Մեծ Հայրենականի մասնակիցներին: Արարողության մասնակիցները կարմիր մեխակներ դրեցին հուշարձանի պատվանդանին ի հիշատակ Մեծ Հայրենականում մասնակցած հերոսների:

Նշենք, որ Սուրգուտի հայ համայնքը աջակցում է «Ուժեղ Հայաստանը Ռուսաստանի հետ. հանուն նոր միության» Շարժամանը Շարժման ձեւավորման առաջին իսկ օրից, ինչի մասին հայտարարվել է Շարժման հիմնադիր համաժողովում 2021թ. փետրվարի 6-ին:

Սուրգուտ-Երեւան

Նկարենրում` Հայ համայնքի ներկայացուցիչները Հայ-ռուսական բարեկամության արձանի մոտ:

 Սուրգուտի հայ համայնքի  ղեկավար Արմենակ Սիմոնյանը փոքրիկ «զինվորի» հետ:

Փոքրիկ «զինվոր»: