«Մեզ բախտի ողորմությանը նետեցին, մեր հրետանին խփում է». ուկրաինական 93-րդ բրիգադը որոշել է չկռվել (ՏԵՍԱՆՅՈՒԹ)

Ուկրաինայի զինված ուժերի առանձին 93-րդ մեքենայացված բրիգադի զինյալները չդիմացան պատերազմի իրողություններին և հրապարակավ պատմեցին, թե ինչ է կատարվում իրենց հետ Սոլեդարի մոտ՝ հույս ունենալով, որ իրենց տեսանյութը ինչ-որ բան կփոխի։

Երկրորդ հրաձգային գումարտակի վեցերորդ վաշտը տեսաուղերձ ձայնագրեց` պատմելով, որ իրենց թողել են բախտի քմահաճույքին` զինված միայն թեթև զենքերով: Վիրավորներն ու մահացածների դիերը, ըստ զինյալի, չեն տանում։ Շանս ունեն միայն այն վիրավորները, ովքեր կարող են ինքնուրույն հասնել տարհանման կետ, իսկ սա գրեթե 2 կմ գնդակոծության տակ անցնող ճանապարհ է։

«Ծանր վիրավորները մնում են դիրքերում և մահանում առանց բժշկական օգնության։ Հրամանատարներին ուղղված մեր դիմումից հետո գումարտակի շտաբից հրաման ստացանք, որ մեր զենքերը վերցնեն ու մեզ թողնեն այստեղ։ Իսկ դիրքերը լքողներին գնդակահարում են։ Աշխատակազմի ղեկավարը տեղեկացրեց, որ այստեղից գնալու ենք կամ «երկու հարյուր» (զոհված), կամ` «երեք հարյուր» (վիևավոր) վիճակում»,- դժգոհում են զինվորները։