- 19/09/2022
Ռուս փորձագետների մեղադրանքները շրջվում են ուղիղ նիկոլյան վարչակազմի եւ սորոսատիպ հկ-ների դեմ
Ռուսական փորձագիտական հանրության մոտ, այսօր Երեւանում կայացած` ՀԱՊԿ-ից դուրս գալու թեմայով հավաքի մասնակիցների թվի գնահատումից հետո ուշագրավ փոփոխություն կա:
Օրինակ, հեղինավավոր ռազմաքաղաքական փորձագետ Յուրի Պոդոլյակի գնահատմամբ. «Փելոսին եկավ և հրահանգեց ցնցել Հայաստան:.
Երևանում անմիջապես բողոքի ակցիաներ սկսվեցին՝ ՀԱՊԿ-ից դուրս գալու պահանջով։ Միայն թե շատ մարդ չկար՝ մոտ երկու հազար։ Փորձագիտական շրջանակներում կատակում են, թե Փաշինյանի կառավարության բոլոր աշխատակիցներն են ու ՀԿ-ները:
Բացի այդ, բոլոր փորձագետներն այս ամենը անվանում են լավագույն նվերը Բաքվի համար։
Նաեւ հավելում են, որ, իհարկե, Երեւանը հիմա ՀԱՊԿ-ից դուրս չի գա, բայց հիմա Ռուսաստանի Դաշնությունը վարկաբեկելու եւ անուղղակի քննադատելու գործ է սկսվել»։
Այսինքն, ռուսական փորձագիտական շրջանակներում այս կարծիքն է հիմնավորվում: Եթե հավաքվել է «մոտ երկու հազար մարդ», դա նշանակում է, որ թեեւ ՌԴ-ից եւ ՀԱՊԿ-ից առկա որոշակի բողոքներին, այնուամենայնիվ նրանցից հրաժարվելու պահանջը հայաստանյան հանրության մոտ գրեթե զրոյական արձագանք ստացավ, այն էլ նման տոտալ, պետական վերին մակարդակներով քարոզից հետո: Դա, ի դեպ, նաեւ ցույց է տալիս Նիկոլի ներկա վարկանիշն ու իրական թիմակիցների շրջանակը:
Սրանից զատ, եթե ռուսական փորձագետների կարծիքով այդ 2000 մարդը «Փաշինյանի կառավարության բոլոր աշխատակիցներն են ու ՀԿ-ները», ապա հենց դրանք էլ ֆիքսվում են, որպես Ռուսաստանի հակառակորդ, եւ ոչ թե հայ ժողովուրդը: Այն դեպքում, երբ մինչ այդ հանրահավաքը մեղադրանքներ եւ սպառնալիքներ էին հնչում ողջ Հայաստանի հասցեին:
Այսինքն, հենց այս փաստն էլ, թերեւս, կդրվի Մոսկվայի հետագա քայլերի հիմքում: