Դոնեցը, Լուգանսկը, Խերսոնն ու Զապորոժեն ՌԴ կազմ ընդունելու մեկ քայլ մնաց

Այսօր այն բոլոր օրենսդրական գործընթացները, որոնք Դոնեցը, Լուգանսկը, Խերսոնն ու Զապորոժեն վերջնականապես ընդունեցին ՌԴ կազմ, հասան վերջնագծին: Այն է` Ռուսաստանի Դաշնության Սահմանադրական դատարանը որոշում է կայացրել՝ կապված Ռուսաստանի կազմում չորս նոր սուբյեկտների կարգավիճակի հետ։

Արդ որոշման արդյունքում, նախագահ Պուտինը 10 օրվա ընթացքում պետք է նշանակի չորս նոր շրջանների ժամանակավոր ղեկավարների՝ նահանգապետերի։

Ռուսական 4 նոր մարզերում խորհրդարանների ընտրությունները կանցկացվեն 2023 թվականի սեպտեմբերին` միասնական քվեարկության օրը։

Մնում է 1 քայլ` ՍԴ-ի որոշման հիման վրա Պետդուման հաստատի տարածքների միացման մասին օրենքը եւ այն ստորագրվի նախագահի կողմից: Պետդումայի նիստը տեղի կունենա վաղը:

Չնայած, ՍԴ այդ որոշումը, որն արդեն իսկ լուծում է միացման օրենսդրական հարցերը, արդեն փաստացի ֆիքսեց, որ Ռուսաստանի տարածքների մի մասն օկուպացված է Ուկրաինայի կողմից: Դա ենթադրում է, որ ռուսական իշխանություններն ու բանակը հենց այսօրվանից օրենսդրական պարտավորություն ունեն` անհապաղ ազատագրել Ռուսաստանի օկուպացված մասը: