Ռուս-ուկրաինական հակամարտության և ոչ մի կողմի զենք չենք ուղարկել. Իրանը հերքում է

«Զենք չենք ուղարկել Ուկրաինայի պատերազմի մասնակից կողմերից որեւէ մեկին»:

Այդ մասին մամուլի ասուլիսի ժամանակ հայտարարել է Իրանի արտաքին գործերին նախարարության ներկայացուցիչ Նասեր Քյանանին:

«Իրանը բազմիցս հայտարարել է, որ Ռուսաստանի և Ուկրաինայի միջև պատերազմի կողմ չէ և զենք չի առաքել կողմերից և ոչ մեկին»,-նշել է ԱԳՆ ներկայացուցիչը:

Նրա պնդմամբ, Թեհրանը հանդես է գալիս Ուկրաինայում պատերազմի դեմ, այնպես ինչպես ընդդեմ Սիրիայում և Իրաքում պատերազմների:

Հավելենք, որ ուկրաինական կողմը պարբերաբար մեղադրում է Իրանին և նույնիսկ ապացույցներ ներկայացնում, թե ռուսական բանակը վերջին շրջանում սկսել է իրանական արտադրության ԱԹՍ-ներ և դրոն-կամիկաձեներ օգտագործել: