• 13/08/2022

Հայաստանում տեղի կունենա Sensor միջազգային երաժշտական փառատոնը

Հայաստանում տեղի կունենա Sensor միջազգային երաժշտական փառատոնը

Sensor երաժշտության եւ ժամանակակից արվեստի միջազգային փառատոնը կանցկացվի սեպտեմբերի 10-ից 12-ը Հայաստանում` Օրգովում գտնվող Պարիս Հերունու աստղադիտարանի տարածքում։ Միջոցառման չորս երաժշտական բեմերում կհյուրընկալվեն Ավստրիայից, Հայաստանից, Բելգիայից, Մեծ Բրիտանիայից, Գերմանիայից, Հունաստանից, Վրաստանից, Իսրայելից, Իտալիայից, Նիդերլանդներից, Ռուսաստանից, Ռումինիայից, ԱՄՆ-ից, Թայվանից, Ֆրանսիայից, Շվեդիայից, Ճապոնիայից ժամանած ավելի քան 80 արտիստներ:

Փառատոնը նախատեսում է արվեստի ծավալուն ծրագիր, որին մասնակցում են աշխարհահռչակմեդիա արտիստներ։ Աստղադիտարանի կենտրոնական օբյեկտը 54 մետրանոց ռադիոօպտիկական աստղադիտակն է՝ միջոցառման խորհրդանիշը եւ լազերային մեդիա ինստալյացիա հարթակը, դե իսկ փառատոնի երաժշտական բեմերը տեղակայված են աստղադիտակի հարակից տարածքներում։

Sensor-ի արվեստի ծրագրի աստղերը՝ ավստրիացի նկարիչ Պիտեր Կուտինը, իտալացի նկարիչ Ֆրանչեսկո Տոսինին և ավստրալացի նկարիչ Թոնի Բաքը փառատոնի հանդիսատեսի համար եզակի օբյեկտներ եւ ինստալյացիաներ են պատրաստում։

Փառատոնի արտ պատկերասրահի ստեղծման գործում ներգրավված են Armenia Art Basis պլատֆորմի մի խումբ արվեստագետներ: Տարբեր ժանրերի արտիստներ Արտեմ Ստեֆանովը,Վտոլը, Բորոգազը, Օլեգ Գլուշկովը կցուցադրեն իրենց աշխատանքները՝ սթրիթ արտից մինչև թատերական ներկայացումներ:

Փառատոնի թիմն ամբողջ աշխարհում (Նյու Յորք, Բեռլին, Բարսելոնա, Մոսկվա) խոշոր մշակութային միջոցառումների անցկացման փորձ ունի: Կազմակերպիչների արխիվում են ամենաբարձր մակարդակի միջոցառումներ, ինչպիսին է օրինակ, բազմօրյա երաժշտական փառատոնը՝ անցկացված նախկին ԳԴՀ (Բեռլին) ռադիոհեռարձակման կենտրոնի շենքում, որը մշակութային նշանակութան օբյեկտ է։

Sensor-ը լիարժեք եռօրյա փառատոն է: Կազմակերպվում է քեմփինգ, որտեղ հյուրերը կարող են տեղադրել իրենց սեփական վրանը կամ վարձել արդեն տեղադրվածը ստանդարտ կամ պրեմիում տարբերակներով:

Գործելու է սննդի կետ՝ ընդարձակ ճաշացանկով։ Միջոցառման ողջ ընթացքում սոցիալական ակումբի մուտքը բաց կլինի։ Փառատոնի անցկացման վայր Երեւանից եւ հակառակ ուղղությամբ կարող եք հասնել Sensor-ի՝ 30 րոպեն մեկ գործող տրանսպորտային ուղերթներով:

Առնչվող գրառում

Բայդենն իր ելույթի ժամանակ փորձել է ներկաների մեջ գտնել հանգուցյալ կոնգրեսականին (Տեսանյութ)

Բայդենն իր ելույթի ժամանակ փորձել է ներկաների մեջ գտնել…

«Ջեքի, դու այնտեղ ե՞ս, որտե՞ղ է Ջեքին»: Բայդենն իր ելույթի ժամանակ փորձել է ներկաների մեջ գտնել հանգուցյալ կոնգրեսական Ջեքի Վալորսկուն, ով…
Ֆինլանդիայի ՆԳ նախարարն ուշագնաց է եղել «Հյուսիսային հոսքի» պայթեցման վերաբերյալ ճեպազրույցի ժամանակ (Տեսանյութ)

Ֆինլանդիայի ՆԳ նախարարն ուշագնաց է եղել «Հյուսիսային հոսքի» պայթեցման…

Ֆինլանդիայի ՆԳ նախարարն ուշագնաց է եղել «Հյուսիսային հոսքերի» պայթեցման վերաբերյալ ճեպազրույցի ժամանակ:
ԱՄՆ-ում ու Եվրոպայում սպառվում են Ուկրաինայի համար սպառազինությունը

ԱՄՆ-ում ու Եվրոպայում սպառվում են Ուկրաինայի համար սպառազինությունը

ԱՄՆ-ում և Եվրոպայում Կիև առաքվող զենքի պաշարները սպառվում են։ Այս մասին CNBC-ին տված հարցազրույցում ասել է ԱՄՆ Ազգային պաշտպանության համալսարանի ավագ գիտաշխատող…